உன்னுள் சுதந்திரம்

சுதந்திரம் -
விட்டுச்சென்றதை விற்றுவிட்டோம்!!
வெள்ளைக்காரன் விட்டுச்சென்றதை,
வெள்ளை வேட்டிக்கு விற்றுவிட்டோம்!!

யார் மீது வெறுப்பு?
யார் இதற்கு பொறுப்பு?

இதயத்தில் இல்லாமை,
கருத்தினிலே கல்லாமை,
சிந்தனையில் சிறுமை,
வரி ஏய்க்கும் கயமை,
அகத்தினில் அறியாமை,
கொடுக்கும் விரல்களில் வறுமை,
செந்தமிழைத் தீண்டாமை,

கொடியில் இல்லை தந்திரம்,
மனதில் உள்ளது மந்திரம்,
நம்முள் தொடங்கட்டும் சுதந்திரம்!!